News

ХӨТӨЛБӨР ЗАРЛАГДЛАА. Монголын Урлагийн Зөвлөл (МУЗ), АНУ дахь Монголын Урлагийн Зөвлөлтэй хамтран “Соёл урлагийн залуу манлайлагч” тэтгэлэгт хөтөлбөрийг 16 дахь жилдээ зарлаж байна. Хөтөлбөрийн үндсэн зорилго:     Нийгмийн ба соёл урлагийн салбарын залуу манлайлагчдын чадавхийг дээшлүүлэх, тэдгээрийн хамтын ажиллагааг өргөжүүлэх замаар соёл урлагийн тогтвортой хөгжлийг дэмжих. Хөтөлбөрийн хугацаа:                    2023 оны 11-р сараас 2024 оны 6-р сар Хөтөлбөрт сонгогдсоноор дараахь боломжийг хүртэх болно. Үүнд: Оролцогчдод тавигдах ерөнхий шаардлага: Сонгон шалгаруулалт: Сонгон шалгаруулалтыг “Соёл урлагийн залуу манлайлагч” хөтөлбөрийн тусгай хороо хийх бөгөөд анхан шатны шалгаруулалтанд тэнцсэн хүмүүсийг ярилцлаганд урина. Ярилцлагын тов болон сонгон шалгаруулалтын хариуг и-мэйл хаягаар нь мэдэгдэх болно. Өргөдлийн маягт болон хугацаа: FB page:   www.facebook.com/artscouncilofmongolia                       www.facebook.com/ACMFellowshipProgram

Төрөл: Баримтат, арт, байгаль Гэрэл зурагчин, 2014-2015 оны Соёл урлагийн залуу манлайлагч Б.Отгонсүрэн нь …Цэг Биш, Таслал бие даасан гэрэл зургийн үзэсгэлэнгээ 2023 оны 5-сарын 8-17-ны хооронд МУЗ-ийн Улаан гэр галерейд зохион байгуулах гэж байна. Үзэсгэлэнд түүний 21 аймаг, 200 гаруй сумаар аялж, ажиллаж, амьдарсан түүхэн хором, мөч, хэсгийг баримтат, арт, байгалийн гэрэл зургаар дамжуулан үзүүлнэ. Уран бүтээлчийн энэ удаагийн үзэсгэлэн нь асуудал дэвшүүлсэн, магадгүй хэтэрхий хүнд зарим нь ойлгомжгүй, хэсэгтээ сэтгэл хөдөлгөхөөр байж магад. Гэхдээ эдгээрийг олж харах, гэрэл зургуудыг унших, өөрийнхөөрөө ойлгох, эрэл хайгуул хийх боломжийг үзэгчдэд олгох болно.   Эрхэм Таныг гэрэл зургийн ертөнцөөр аялахыг уръя… ,

Монголын Урлагийн Зөвлөл нь Гёте-Институтийн “Urban walking” буюу хотоор алхах төслийг хамтран зохион байгуулж байгаа билээ. Уг төслийн оролцогчийг нээлттэй зарлаж, сонгон шалгаруулсан ба 2021-2022 оны соёл урлагийн залуу манлайлагч Б.Мэнд-Амар шалгаран оролцож байна.  Уг төсөл нь дижитал платформоор дамжуулан хотоор алхах үйлдлийг гоо зүйн мэдрэмж, туршлага эсвэл өгүүлэмжтэй хослуулан олон нийтэд хүргэх зорилготой юм. Улаанбаатар хотоос гадна Зүүн Азийн Бээжин, Сөүл, Токио, Шанхай, Хонконг хотуудад “Urban Walks” төслийг мөн зохион байгуулж байгаа бөгөөд технологи ба урлагийг хослуулсан зургаан хотоор хийх аяллыг нэгдсэн байдлаар цахим платформ дээр 2023 оны 10-р сард толилуулах юм. Б.Мэнд-Амар нь МУИС-ийг компьютерийн график, дизайнераар 2015 онд төгссөн. Тэрээр Улаанбаатар хотын гудамж, хуучин барилга болон бусад хуучны хотын зургийг харьцуулан дардаг бөгөөд түүхэн баримтат, гол төлөв 1990-2000 оны гэрэл зургаар дамжуулан хотыг судалдаг. Үүнийхээ дагуу Mongolian Visuals сошиал хуудсыг хамтран үүсгэн байгуулж, хөтөлдөг. Мөн “Улаанбаатараас ярьж байна” подкастын хамтран хөтлөгчөөр ажилладаг МУЗ нь Залуу манлайлагч Б.Мэнд-Амарыг 2023 оны 5-р сарын 23-30-ны хооронд зохион байгуулагдах 8 дах удаагийн Улаанбаатар олон улсын медиа урлагийн наадамд урьж оролцуулж байгаа билээ.